Studiuesit shpjegojnë se përdorimi i disa pajisjeve elektronike në të njëjtën kohë i bën keq trurit (përfshirë këtu mjetet elektronike të ndryshme, si: kompjuteri, televizori, celulari etj). Shembulli konkret që mund të përdorim për të ilustruar këtë është kontrolli që i bëni Facebook-ut në celularin tuaj duke shikuar televizor. Kjo gjë çon në një çorientim të trurit dhe ju nuk do të mbani mend thuajse asgjë çfarë po shikoni në televizor apo çfarë po shikoni në “facebook”.
Kjo për faktin se qëndrimi midis ekraneve e çorienton trurin, ndërsa çliron një hormon që ndikon në procesin e të menduarit njësoj si të jeni të droguar. Përdorimi i shumë pajisjeve njëkohësisht (multitasking) ul intelegjincën e njerëzve.
Kur një individ përqendrohet në një çështje, ai e merr informacionin siç duhet dhe ky informacion depozitohet në hipokampus, libraria e trurit ku organizohen dhe kategorizohen të dhënat tona dhe më pas është më i lehtë përdorimi i tyre.
Por kur ju përdorni shumë pajisje njëherësh, informacioni dërgohet në një pjesë tjetër të trurit: në pjesën që përfshin lëvizjen dhe motivimin, kështu që çdo informacion është më i vështirë për t’u përdorur.
Shkencëtarët që kryen studimin, thanë se sa herë që njerëzit gjenden mes pajisjeve ata çlirojnë një kimikat që prodhon hormonin dopaminë. Nivelet e larta të dopaminës lidhen me abuzimin e drogave dhe shkencëtarët thonë se qëndrimi mes pajisjeve apo përdorimi i disave prej tyre njëkohësisht mund të jetë më keq se “të bëhesh dru me kanabis”.
Përshtati në shqip: Daniela Bardhi
