Njerëzit të cilët kanë vështirësi për të ulur sasinë e peshës mund të përfshijnë bostanin në dietën e tyre. Përbërja e tij me pak kalori dhe me shumë ujë, si dhe me fibra të tretshme, e bëjnë një frut shumë të rëndësishëm
Përgatiti: Alkida Lushaj
Bostani (pjepri) është i pasur me vitaminën C që është shumë e rëndësishme. Në rast se hahet rregullisht bostani mund të mbajë lëkurën tuaj rinore dhe të freskët. Përveç kësaj, ai mund të ndihmojë në mbrojtjen nga të ftohtit, si dhe nga viruset e gripit.
Një tjetër mineral që është esencial për trupin e njeriut dhe që gjendet tek bostani janë bakri, kaliumi dhe vitamina B.
Bostani përmban një sasi të madhe uji. Prandaj quhet si një alternativë e shquar për ditët e ngrohta të verës.
1. Ul presionin e lartë të gjakut
Natriumi, kaliumi, magnezi dhe kalciumi janë katër minerale esenciale për trupin e njeriut. Nëse ato janë në ekuilibër, niveli i presionit të gjakut ndodh të jetë në gjendje normale. Bostani ka një përmbajtje të madhe me kalium. Sipas studimeve, konsumimi i një pjese bostan përmban 388 miligram kalium që ndihmon në normalizimin e presionit të gjakut.
2. Parandalimi nga dehidrimi
Pas një dite shumë të nxehtë, shumica e njerëzve marrin pije sportive (e mbushur me kripë), pije energjike (e mbushur me kripë, si dhe kafeinë) ose ujë. Këshillohet të merrni bostan si një alternativë për rinovimin e ujit për trupin.
Bostani përmban kalium, i cili ndihmon në mbajtjen në ekuilibër normal të ujit mes qelizave të trupit.
Bostani mund të konsumohet ashtu si është, mund të kombinohet me fruta të tjera etj.
3. Ndihmon në tretje
Bostani përmban fibra tretës që parandalojnë problemet e zorrëve. Një filxhan me lëng bostani përmban një total prej 1.4 gram fibër dietike. Meshkujt kërkojnë 38 gram çdo ditë fibër dietike, ndërsa femrat kërkojnë 25 gram.
Fibrat e tretshme që përmban bostani rritin veprimin e tretjes brenda trupit. Prandaj, konsumimi i bostanit ndihmon në tretjen e ushqimit.
4. Për dhëmbë të fortë
Bostani është efektiv për dhëmbë dhe mishrat e dhëmbëve në mënyrë të shëndetshme.
5. Për diabetikët
Shalqiri, pjepri dhe bostani kanë përmbajtje relativisht të ulët sheqeri. Pjepri, për shembull, përbëhet nga 22 gram karbohidrate (sheqer) për çdo filxhan, ndërsa bostani përbëhet nga 12 g për çdo filxhan.
6. Bostani ndikon në shikim
Bostani është me të vërtetë një antioksidant jashtëzakonisht i fuqishëm i cili ndihmon moshat e treta për shikimin.
7. Për një lëkurë më të butë
Lëngu i bostanit është i shkëlqyer për ushqyerjen e lëkurës. Përdorni pak bostan të ndarë në feta ose të shtrydhur në fytyrë. Bostani është një metodë e mrekullueshme e marrjes së vitaminës C – një vitaminë antioksidant që mund të ndihmojë për të përmirësuar dhe rinuar lëkurën tuaj. Vitamina C përveçse kryen një rol të rëndësishëm në funksionimin e mekanizmave të mbrojtjes, mund të ndihmojë edhe për të parandaluar ftohjet e zakonshme gjatë muajve të dimrit.
