Blerina Bombaj, dietologe klinike
Ka plot receta që mund të gatuhen edhe kur jeni me nxitim dhe të jenë gjithashtu të shëndetshme dhe të shijshme. Një nga këto receta është edhe kjo që ju sugjerojmë më poshtë.
Perime me bukë të zezë dhe vezë:
-Në një tigan zbusni me vaj ulliri qepe, me pas pak kërpudha, presh dhe në fund spinaq.
-Në një tepsi vendosni në një shtrese bukën e zezë në feta të holla.
-I hidhni përsipër perimet që keni gatuar, 5 kokrra vezë të freskta fshati dhe pak qumësht.
-E lini të piqet në furrë dhe e shërbeni në racionet sipas dëshirës. Nëse doni mund t’i grini pak djathë përsipër!
Ky gatim ju ofron një vakt krejtësisht të kompletuar me karbohidrate nga buka, minerale dhe antioksidante nga perimet, si dhe proteina dhe acide lyrore omega 3 nga veza!
