Përshtati në shqip: Blertina Koka / Shëndeti Online dhe gazeta ‘Shëndet+’
Obeziteti rrit rrezikun e zhvillimit të 11 llojeve të kancerit, ka zbuluar një studim i ri. Të qenët mbipeshë ju rrezikon nga kanceri i gjirit, ezofagut, stomakut, zorrës, rektumit, sistemit të traktit biliar, pankreasit, mitrës, vezores, veshkave dhe kanceri i gjakut myeloma.
Hulumtuesit shkencorë nga Kolegji Mbretëror i Londrës kanë zbuluar se rreziku i zhvillimit të kancerit të traktit biliar rritet tek meshkujt me 56% për çdo 5 kg shtim në peshë.
Për gratë, rreziku i zhvillimit të kancerit të mitrës rritet me 21%.
Këto rezultate janë shqetësuese duke qenë se një e katërta e të rriturve dhe një e pesta e 11-vjeçarëve janë obezë.
Studimi, i publikuar tek Revista Mjekësore Britanike, thekson shifrat e mëparshme që tregojnë se 25 mijë raste të kancerit në Britani mund të parandalohen çdo vit nëse pacientët do të kishin peshë normale.
Pas mos konsumimit të duhanit, pesha normale e trupit është një nga gjërat më të rëndësishme që njerëzit mund të bëjnë për uljen e rrezikut të zhvillimit të kancerit”.
Sipas një studimi të fundit, rastet me kancer të zorrës së trashë dhe rektumit janë shtuar ndjeshëm tek të rinjtë për shkak të ushqyerjes së pashëndetshme dhe mungesës së aktivitet fizik.
Një person i lindur në vitin 1990 mund të jetë 2 herë më i rrezikuar të preket nga kanceri i zorrës së trashë dhe 4 herë më i rrezikuar nga kanceri rektal, krahasuar me ata që kanë lindur në vitet ’50, thonë hulumtuesit shkencorë nga Shoqata Amerikane e Kancerit dhe Instituti Kombëtar i Kancerit.
Burimi: Daily Mail / https://shendeti.com.al/
