Denisa Canameti
Skandali për dyshime të përdorimit të barnave false po merr përmasa gjithnjë e më të mëdha. Bëhet fjalë për denoncimin e bërë pak ditë më parë nga qytetari Arian Galdini, sipas të cilit analizat e realizuara mbi të 
afërmin e tij rezultoi se ai nuk ka asnjë gjyrmë të barit avastinë që i është injektuar në shërbimin e Onkologjisë në QSUT.
Mbrëmë në një përballje me zv/ministren e Shëndetësisë, Milva Ekonomi ka qenë një telefonatë e papritur e ish minsitrit të Shëndetësisë, Petrit Vasili tashmë kryetar i grupit parlamentar të LSI-së, i cili ka karëkuar zbardhjen e menjëhershme të kësaj çështje nga ana e institucioneve.
“Kam ndjekur me shumë vëmendje ngjarjet efundit dhe debatet në distancë mes akuzuesit dhe Ministrisë së Shëndetësisë. Kjo është një temë sensibël ndaj unë nuk mundem të rri pa ndërhyrë dhe të them mendimin tim. Nuk e kuptoj përse vazhdon kjo situatë me lojë fjalësh të kota kur ka një zgjidhje shumë të thjeshtë. Qendra e Kontrollit të Barnave duhet të analizojë cilësinë e barit nëse është fals apo jo. Kjo është detyrë e këtij institucioni. Ka një ligj për importin e barnave sipas të cilës firma prodhuese e origjinës jep autorizim për hyrjen e medikamenteve në vendin tonë”,- thekson Petrit Vasili, i cili ka kundërshtuar pohimin e zv.ministres së Shëndetësisë, Milva Ekonomi, sipas të cilës është marrë aotorizim nga firma e origjinës për importin e barit në fjalë.
