Për shkak të situatës së krijuar është pezulluar koncensioni i check-up. Burime të Tv Klan pranë Ministrisë së Shëndetësisë thanë se ky koncension është pezulluar për një afat të pacaktuar.
Ende nuk ka një konfirmim zyrtar nga MSHMS.
Koncensioni i Check Up, nisi punë në shkurt të vitit 2015 dhe ka një afat 10-vjeçar. Ky koncesion parashikon kontrollin e shëndetit bazë për moshën nga 40 në 65 vjec.
Ai është marrë përsipër nga privati dhe më pas paguhet nga shteti në bazë të analizave të kryera.
Kontrata koncensionare e check-up-it parashikon pagesën e koncensionarit për realizimin e të paktën 475 mijë kontrolleve në vit. Fondi është i detyruar të paguajë koncensionarin për këtë numër kontrollesh, pavarësisht numrit të ulët të popullatës që paraqitet për të realizuar kontrollin bazë.
