Nga mjeku Elton Peci:
Kjo varet nga lloji i pilulës.
Pilulat e kombinuara: Shumica e konfeksioneve janë me 28 ose me 21 tableta. Në të dyja rastet kemi 21 tableta aktive që përmbajnë hormonet. Në konfeksionet me 28 tableta, 7 tabletat e fundit quhen tabletë rikujtuese; ato nuk përmbajnë hormone. Në konfeksionet me 21 tableta, çdo ditë merret një tablet. Pas 21 ditëve aktive, kryhet një javë pauzë, pas së cilës niset një kuti e re.
Megjithatë, tabletat kontraceptive mund të merren çdo ditë, edhe për më shumë se 21 ditë, nëse duam të shtyjmë datën e menstruacioneve ose thjesht të mos kemi fare për një periudhë të caktuar.
Pilulat vetëm me progesteron: Këto pilula përmbajnë vetëm progesteron dhe janë të gjitha aktive. Karakteristikat e administrimit të pilulave me progesteron janë:
Menstruacionet do fillojnë 1 javë pas ndërprerjes
Ndonjëherë mund të keni spoting apo hemorragji intermenstruale me intensitet shumë të ulët.
Pilulat kontraceptive ushtrojnë efektin e tyre mbrojtës ndaj shtatzanisë edhe janë pas ndërprerjes së tyre.
Duke u marrë në një orar të përpiktë, pilula është më efikase.
Nuk duhet të harrojmë se pilulat nuk janë të efektshme në 100% të rasteve. Në raste shumë të rralla, ato nuk janë efikase. Megjithatë, nuk ka vend për shqetësim, pasi rreziku për anomali fetale në shtatzanitë e arritura gjatë administrimit të kontraceptivëve oralë, është shumë i papërfillshëm.
Nëse ju do të dëshironit një shtatzani, atëherë ju mund të ndërprisni marrjen e pilulës. Shtatzania është e mundshme që në muajin e parë pas ndërprerjes së pilulave.
