Të gjithë e dimë që një ambient i shëndetshëm është një ambient atmosferik i pastër. Një ambient i ndotur gjithmonë bëhet shkak për sëmundjet pulmonare, për faktin se organi i mushkërisë është organi që pasqyron në mënyrë direkte impaktin e ndotjes së ambjentit.
Kanceri i mushkërive si burim të parë ka prekjen e mushkërisë nga duhani.
Ndotja e ambientit të punës, është e dyta. Kur këtyre faktorëve iu shtohet dhe ndotja e ambientit të jashtëm, normalisht që risku është edhe më i madh. Por sëmundjet që gjenerojnë nga ndotja e ambientit më të shpeshtat janë: bronkitet akute, bronkitet astmatiforme, astma bronkiale etj.
Ato qytete të mëdha që kanë industri kimike, industri të përpunimit të çimentos, industri të përgatitjes së lëndëve të ndërtimit, qytetet të cilat kanë ndërtime apo janë qytete në ndërtim, janë qytete të cilat normalisht pasqyrojnë dhe një ndotje të lartë të ambientit atmosferik.
Plus kësaj, qyteti ka dhe një qarkullim të madh të automjeteve më shumë se sa zonat e fshatrave. Pikërisht konsumi i një karburanti të një cilësie jo të mirë dhe djegia jo e plotë në produktet përfundimtare të këtyre karburanteve, përdorimi i makinave relativisht të vjetra, trafiku i rënduar bëhen shkak për rritjen e grimcave të koncentruara në ajrin atmosferik. Këto janë shumë të rrezikshme pastaj për lindjen e sëmundjeve që ne thamë./ https://shendeti.com.al/
