Pas ngjarjes së dy ditëve më parë, ku një mjek në Poliçan dyshohet se është goditur nga kryebashkiaku i këtij qyteti, ka mjekë që kanë reaguar duke e përfshirë edhe ngjarjen e fundit në vazhdën e sulmeve ndaj tyre. Mjeku Adrian Hyska shkruan në 
rrjetin social:
“Dje goditën me grushta Tan Hoxhën, mjekun e Poliçanit, shokun tonë. Tashmë përveç se duan të na testojnë, kanë dëshirë dhe të na rrahin. Sa turp! Ku po vemi kështu? Urdhri i Mjekut në Berat hesht. Hesht edhe kur na merr shteti me yrysh në komisariat dhe na trajton si lëndë e parë, sepse për ta, ne mjekët jemi lëndë e parë. TË GJITHË JANË HEDHUR KUNDËR NESH. A thua se ne mjekët jemi e keqja e këtij vendi. Shteti na rreh, Urdhri i Mjekut nuk na mbron, gjykatat na dënojnë si i do qejfi. Ne çfarë duhet të bëjmë?”
Ndërkohë, kryebashkiaku Adriatik Zotkaj të gjithë incidentin e lidh me politikën. Ai thotë se në çdo prag fushatë familja e tij dhe ai personalisht provokohen.
