Gazetare: Klevisa GJIKA
Institucionet shëndetësore nuk mjaftohen vetëm me thirrjet e vazhdueshme të bluzave të bardha apo të qeverisë për respektimin e masave. Në Poliklinikën Qendrore në Tiranë vihet re një numër i madh materialesh të afishuara nëpër korridore.
Në një vëzhgim të bërë nga gazeta “Shëndeti Plus”, marrja e masave vihet re që në hyrje të poliklinikës. Në një tavolinë të vogël është vendosur një dezinfektant për këdo që dëshiron të hyjë brenda dhe të marrë mjekimin apo të ushtrojë profesionin në rastin e mjekëve, sanitarëve dhe recepsionistëve.
Në mure jepen informacione të shkurtra, qoftë edhe rikujtuese, për mbrojtjen e vetes dhe të tjerëve.
“Mbani distancën. Së bashku ia dalim. #distancimisocial”;
“Qëndroni të informuar. Njihuni me rrezikun e COVID – 19”;
“Distancimi social detyrë për të gjithë”, janë disa nga materialet e printuara të vendosura në ambientet e brendshme të godinës.
