Denisa Canameti
Mjeku nga Lushnja Arbër Ajazi ka zgjedhur rrjetin social “Facebook” për t’iu drejtuar Ministrit të Shëndetësisë lidhur me problemet në spitalin e qytetit të tij. Bie në sy shpesh emri i tij në të gjitha postimet e ministrisë prej një jave, gjithsesi, ankesat kanë mbetur pa përgjigje.
Bëhet fjalë për konkursin më të fundit të zhvilluar në spitalin e Lushnjës, ku mjeku Arbër Ajazi shprehet se ka marrë vendin e parë e megjithatë nuk është futur në punë.
“Kam denoncuar një rast korrupsioni në portal që ditën e martë, 20/10/2015, për spitalin e Lushnjës. Në përfundim të konkursit, ti mund të renditesh i pari, por drejtorit nuk i intereson dhe vendin e punës ia jep kandidatit tjetër.
“Nëse portali nuk funksionon, sepse e ka mbytur korrupsioni, si të veproj? Nëse nuk ka zgjidhje, po largohem një herë e mirë nga Shqipëria, sepse këtu të vjedhin edhe shpresën për të jetuar”, e mbyll komentin e tij mjeku Arbër Ajazi.
Me një kalim të shpejtë të ashensorit duket se rastet e denoncimeve nga ana e qytetarëve janë vërtet të shumta, por askush nuk kujdeset për t’i kthyer përgjigje komentuesve. Përkundrazi, ata injorohen ashtu sikurse edhe në portalin antikorrupsion, që duket se është krijuar thjesht për “show”.
