Shqiptarët paguajnë shumat më të larta për shërbimet e shëndetit krahasuar me vendet e tjera europiane, sipas raportit “Catastrophic Health Expenditures”. Ky raport dëshmon se në Shqipëri për 5142 familje, shpenzimet për shëndetin kapin vlerën “katastrofike”.
Vlera e shpenzimeve konsiderohet “katastrofike” nëse një familje paguan të paktën 40% të shpenzimeve të familjes, që mbeten pas zbritjes së shpenzimeve për ushqim.
Shifrat bëhen të ditur në Strategjinë e Shëndetësisë 2017-2020 që është në proces konsultimi, raporton Monitor.al.
Një nga premtimet kryesore të Partisë Socialiste gjatë fushatës së vitit 2013 ishte shëndetësi falas, por Ilir Beqja duket se ka arritur një dështim spektakolar. Në vend t’i ulte shpenzimet për familjet shqiptare, ato kanë kaluar në çmime katastrofale. Prioritet në këto vite kanë qenë shpërndarja e disa qindra miliona eurove për konçensione të dyshimta në lidhje me shëndetësinë. Shifra për 5142 familjet që i paguajnë shtrenjtë shërbimet shëndetësore pranohet edhe nga INSTAT-it.
Në ato pak muaj që i kanë mbetur, qeveria ka vënë si prioritet rritjen e financimit buxhetor për shëndetësinë. Aktualisht shpenzimet publike për shëndetësinë kanë arritur në 2.8% të PBB-së.
