Kryefaqja Aktualitet Prishja e aparaturave në poliklinika po mbingarkon Dispancerinë

Prishja e aparaturave në poliklinika po mbingarkon Dispancerinë

0
Shpërndaje

Klinika e specializuar për sëmundjet e mushkërive, në Tiranë, apo siç njihet ndryshe Dispanceria, ofron shërbim të specializuar për rreth 800 mijë banorë. Gjatë periudhës së pandemisë, kjo poliklinikë ka përballuar dhe po përballon një fluks të shtuar të pacientëve të cilët paraqiten për të bërë grafi. Vonesat e përgjigjeve të tamponit apo mungesa e një përgjigje zyrtare, i detyron ata që të mësojnë nëse janë të infektuar nga koronavirusi pas grafisë së mushkërive.

Gazeta Shëndet plus, ka sjellë pamje nga kjo klinikë, ku korridoret duken plot me pacientë që presin për marrjen e shërbimit.

Situatën e vështirëson akoma më shumë mungesa apo prishja e aparaturave në poliklinika të tjera, duke shtuar më shumë numrin e pacientëve për dispancerinë.

Gazeta “Shëndet Plus”  bëri një monitorim pranë poliklinikës të specialiteve Nr. 4 në Paskuqan, ku konstatoi se në këtë poliklinikë prej më shumë se një viti nuk funksionon shërbimi i radiologjisë. Aparatura e grafisë dhe e skopisë është jashtë funksionin. Kjo i detyron pacientët ta marrin këtë  shërbimin tek Dispanseria ose në privat. Gjithashtu në këtë poliklinikë nuk ka një mjek imazherist.

LËR NJË MESAZH

Please enter your comment!
Please enter your name here