Përshtati në shqip: Blertina Koka
Mishi i kuq është padyshim burimi kryesor i hekurit (një racion me mish pa dhjamë siguron 2.5 mg ose 14% të sasisë ditore). Por, mund ta merrni këtë mineral edhe nga burime të tjera bimore dhe shtazore, të cilat janë edhe më të shëndetshme.
Duhet thkesuar se hekuri i marrë nga burimet shtazore absorbohet më mirë se ai nga produktet bimore. Prandaj vegjetarianët duhet të konsumojnë më shumë se sasia e rekomanduar çdo ditë. Gratë e moshës 31-50 vjeç duhet të marrin rreth 32 mg hekur në ditë, ndërsa ato mbi 50 duhet të marrin 14 mg. Mund të përmirësoni gjithashtu absorbimin e hekurit të marrë nga produktet bimore duke i ngrënë së bashku me burime të vitaminës C, si limoni apo qitrot.
Ja cilat janë 7 ushqimet e shijshme që përmbajnë më shumë hekur se një racion me biftek.
Fasule
Fasulet janë të pasura me fibra, proteina dhe hekur . Në një kupë me fasule do të mund të merrni 4 mg hekur.
Spinaq
Do të mund të merrni 6 mg hekur në një kupë me spinaq të gatuar, plus një të tretën e sasisë së rekomanduar çdo ditë për kalciumin dhe dozën e plotë të vitaminës A. (Ja pse Popaji i pëlqente aq shumë).
Produktet e sojës
Një kupë me produktet e sojës siguron 3.5 mg hekur. Ato janë të pasura edhe me proteina dhe kalium.
Thjerrëzat
Në një kupë me thjerrëza të gatuara do të mund të merrni 7 mg hekur (39% të dozës ditore).
Bollgur
Ushqimi i preferuar i mëngjesit siguron 4 mg hekur në gjysmë kupë me bollgur.
Kuinoa
Mund të mendoni se çfarë është kuinoa: Është një perime që i përmban të gjitha 9 aminoacidet që trupi nuk mund t’i prodhojë vetë, dhe ka 3 mg hekur për një kupë me kuinoa të gatuar.
Gocat e detit
4 goca deti sigurojnë 4 mg hekur (22% e sasisë ditore). I njëjti racion gjithashtu siguron edhe sasinë e rekomanduar për zinkun, një mineral që nuk gjendet shumë tek produktet natyrale.
Burimi: Prevention / Shendeti.com.al
