“Suzana” është emri më i lakuar prej dy ditësh në rrjetet sociale.
Gjatë një operacioni që ka kryer në vendin tonë, Suzana ka humbur zërin. Ajo ka dalë të protestojë para Kryeministrisë në mënyrë që drejtësia të vihet në vend e që dikush të mbajë përgjegjësi për atë që ka ndodhur. Mirëpo rezultatet nuk kanë qenë ato të pritshmet. Efektivë të policisë e kanë ndaluar duke e shoqëruar kështu për në komisariatin Nr.1.
Në qelinë e paraburgimit, Suzana ka reaguar në rrejtet sociale me një status që tregon qartë inatin dhe revoltën “Shtet k… Doktora kasapë, gjyqtarë të korruptuar.”, shkruan ajo, ndërsa jep vendimin e gjykatës: “Nuk ka fakte që zëri ka ikur nga operacioni”.
