Pirja e ujit me stomak bosh nuk është asgjë e re. Kjo praktikë është thellësisht e rrënjosur tek shumica e japonezëve.
Edhe pse gjenet luajnë një rol të rëndësishëm, disa pretendojnë se ky zakon i ka ndihmuar ata të qëndrojnë të hollë, të shëndetshëm dhe në formë.
Shikoni çfarë i ndodh trupit tuaj nëse pini një gotë të madhe me ujë me stomak bosh menjëherë pasi të zgjoheni nga shtrati:
Aktivizon metabolizmin: Një gotë e madhe dhe domosdoshmërisht e freskët me ujë pasi të zgjoheni rrit metabolizmin tuaj deri në 24%.
Hidratimi i trupit: Mund të mos e kuptoni menjëherë, por trupi juaj është “i etur” sapo zgjoheni, sepse nuk keni pirë ujë për 7-8 orë.
Detoksifikimi: Marrja e lëngjeve ndihmon në pastrimin e trupit nga toksinat. Pirja e lëngjeve menjëherë pas zgjimit e rrit këtë funksion.
Funksion më i mirë i trurit: Indi i trurit është 75% ujë. Truri nuk funksionon plotësisht kur nuk është i hidratuar siç duhet. Në këtë rast, mund të ndiheni të rraskapitur, të keni lodhje të shtuar ose ndryshime humori.
Oreks i reduktuar: Sipas një studimi, njerëzit që pinin një gotë ujë para çdo vakti humbën 2-3 paund gjatë një periudhe tremujore. Uji mbush stomakun me një substancë që ka 0 kalori, ndërkohë që ju bën të ndiheni të ngopur. Pirja e shumë ujit sapo zgjoheni në mëngjes është një mënyrë e shkëlqyer për të pastruar zorrën e trashë, duke lejuar një thithje më të mirë të lëndëve ushqyese.
