Vizitat dentare janë të rëndësishme dhe duhet të jenë të rregullta pasi përmes këtij kontrolli kryhen disa procedura. Një ndër to është ekzaminimi i zgavrës së gojës dhe 
dallohen patologjitë e stadeve fillestare. Në këtë mënyrë stomatologu mund ta rikthejë në gjenden siç ishte, pra, ta parandalojë. Dentisti duhet të pyesë pacientin për dietën ushqimore, pasi ne iu japim këshilla edhe prindërve për mënyrën e ushqyerjes së fëmijës së tyre për dhëmbë të shëndetshem.
Për shembull, në rastin e karbohidrateve (sheqernat) që janë faktori kryesor i prishjes së dhëmbëve, ne rekomandojnë sasinë e përdorimit të tyre. Përveç kësaj, këshillojmë pacientin për mënyrën e mbajtjes së higjienës së gojës, pra çfarë lloj furçe duhet të marrë dhe si ta përdorë atë apo edhe për fillin dentar. Lloji i furçës dhe i pastës ndryshon në varësi të pacientit.
Nuk është e njëjta furçë dhe e njëjta pastë ajo që i rekomandojmë një pacienti me rrezikshmëri të lartë ndaj prishjes së dhëmbëve apo atij që e ka më të ulët. Në klinikën dentare duhet të kryhet edhe procesi profilaktik dentar. Pra, fluorizim lokal. Nëse kjo ndodh çdo 6 muaj, do të parandalohen patologji që mund të jenë problem për çdo pacient duke i shkaktuar dhimbje dhe harxhim parash.
