Kryefaqja Femrat Pse periodat janë më të dhimbshme në janar? Ekspertët kanë një...

Pse periodat janë më të dhimbshme në janar? Ekspertët kanë një përgjigje

0
Shpërndaje

Periodat nuk janë kurrë argëtuese. Përveç disa kënaqësive të vogla – nganjëherë gjoks pak më të madh, dhe lajmit se nuk keni ngelur shtatzënë pa dashje – nuk ka asgjë tjetër të bukur. Shumica e grave i frikësohen fazave menstruale dhe luteale (stresi para menstrual) të ciklit të tyre.

Po, janari është periudha më e dhimbshme për sa i përket periodave, konfirmon Alisa Vitti, nutriciste dhe specialiste e hormoneve. Gjatë pushimeve të fundvitit, ndodhin kaq shumë gjëra që çrregullojnë sistemin tonë endokrin, të cilat sjellin atë “periudhën e vështirë” të ciklit në janar.

Shumë prej nesh udhëtojnë, flemë më pak për shkak të ngjarjeve familjare, përpiqemi gjithashtu të përfundojmë gjërat në punë në një kohë të shkurtër, gjë e cila është shumë stresuese. Dhe pas gjithë këtyre, konsumojmë shumë sheqerna dhe karbohidrate, të cilat prekin sistemin endokrin. E gjithë kjo ndikon në nivelet e ushqyesve thelbësorë që ju nevojiten për të balancuar hormonet.

Prandaj, në janar, për shkak të çrregullimit hormonal, periodat shoqërohen me dhimbje më të mëdha.

Se çfarë duhet të bëni është e qartë, ndryshoni regjimin dhe dietën (ndiqni dieta të pasura në vlera ushqyese). Joga dhe ushtrimet e lehta mund t’ju ndihmojnë gjithashtu në lehtësimin e dhimbjeve dhe stresit gjatë fazave luteale dhe menstruale.

Burimi: Daily Mail

LËR NJË MESAZH

Please enter your comment!
Please enter your name here