Përgjigjja nga mjeku Shpëtim Doksani:
Trendi për fat të keq është gjithnjë e më shumë në rritje. Ndër faktorët që ndikojnë në rritjen e abuzuesve me alkoolin, padyshim janë migrimi brenda vendit nga zonat rurale në zonat urbane dhe emigrimi. Përballja me difiçite kulture, tradite, sjellje të ndryshme, atëherë ruralët bien pre e jetës së zhurmshme urbane. Pra, fillojnë të imitojnë të tjerët pavarësisht kushteve në të cilat ndodhen (fizike, organike, mendore etj). Unë mendoj që kjo është arsyeja madhore që në këto 20 vjet është rritur numri i abuzuesve me alkoolin në Shqipëri.
Një tjetër faktor që ndikon, është edhe kostoja e ulët e alkoolit dhe në njëfarë mënyre të gjithë kanë mundësi që ta prekin apo ta konsumojnë.
Plus në Shqipëri është ambienti i tillë që të shtyn ta përdorësh shumë alkoolin. Si kulturë apo traditë si popull, edhe kur të ftojmë përdorim fjalët: “Eja të pimë një gotë raki e të llafosemi” . Që këtu fillon problemi.
