Kryefaqja Aktualitet Pse rastet e lisë së majmunit po rriten në Evropë

Pse rastet e lisë së majmunit po rriten në Evropë

0
Shpërndaje
Pox virus, illustration. Pox viruses are oval shaped and have double-strand DNA. There are many types of Pox virus including Chickenpox, Monkeypox and Smallpox. Smallpox was eradicated in the 1970's. Infection occurs because of contact with contaminated animals or people and results in a rash or small bumps on the skin.

(Reuters) – Një pjesë e vogël e rasteve të lisë së majmunëve tani janë raportuar në Mbretërinë e Bashkuar, Portugali dhe Spanjë. Përhapjet po ngjallin alarm sepse sëmundja më së shumti shfaqet në Afrikën perëndimore dhe qendrore, dhe në raste të rralla përhapet diku tjetër.

Ja çfarë dinë shkencëtarët deri më tani.

Lija e majmunëve është një virus që shkakton simptoma të tilla si: temperaturë dhe skuqje. Zakonisht është i lehtë, megjithëse ka dy lloje kryesore: lloji i Kongos, i cili është më i rëndë – me vdekshmëri deri në 10% – dhe lloji i Afrikës Perëndimore, i cili ka një shkallë vdekshmërie prej rreth 1%. Rastet në Mbretërinë e Bashkuar janë raportuar si lloji i Afrikës Perëndimore.

Portugalia ka regjistruar pesë raste të konfirmuara, dhe Spanja po teston 23 raste të mundshme. Asnjë vend nuk ka raportuar raste më parë.

Transmetimi

Virusi përhapet përmes kontaktit të ngushtë. Ai u gjet për herë të parë te majmunët në vitin 1958, prandaj ka dhe këtë emër, megjithëse brejtësit shihen tani si burimi kryesor i transmetimit.

Ekspertët janë të çuditur pasi rastet e raportuara në Mbretërinë e Bashkuar nuk kanë asnjë lidhje të njohur me njëri-tjetrin. Vetëm rasti i parë i raportuar më 6 maj kishte udhëtuar kohët e fundit në Nigeri.

Pse tani?

Një skenar i mundshëm është rritja e udhëtimeve pasi u hoqën kufizimet e COVID.

Lija e majmunëve vë në gatishmëri virologët sepse është në familjen e lisë, megjithëse shkakton simptoma më pak të rënda. Lija u çrrënjos me vaksinim në vitin 1980 dhe zinxhiri I infektimit është shkëputur gradualisht.  Vaksinimi kundër lisë gjithashtu mbron nga lija e majmunëve, ndaj dhe mbyllja e fushatave të vaksinimit ka çuar në një rritje të rasteve të lisë së majmunëve, sipas Anne Rimoin, një profesore e epidemiologjisë në UCLA në Kaliforni.

Por ekspertët u kërkuan njerëzve të mos bëjnë panik.

“Kjo nuk do të shkaktojë një epidemi mbarëkombëtare siç bëri COVID, por është një shpërthim serioz i një sëmundjeje serioze – dhe ne duhet ta marrim seriozisht,” tha Whitworth. / MEDSCAPE

LËR NJË MESAZH

Please enter your comment!
Please enter your name here