Rasti i dytë me meningit që u evdientua në Durres në një periudhë të shkurtër kohore ka ngjallur panik tek prindërit. Por mjeku epidemiolog Ilir Alimehmeti thotë se nuk jemi në një situatë për t’u shqetësuar.
Dr. Alimehmeti vë në dukje se rastet janë shumë të rralla dhe vatrat e izoluara dhe pavarësisht kujdesit që çdo kush duhet të ketë, mjeku thotë se nuk jemi në rastet e një epidemie.
Doktor Ilir Alimehmeti thotë se rastet janë shumë të rralla të ndaj vaksina e meningjitit, nuk është pjesë e kalendarit të vaksinimit në Shqipëri.
”Meningjiti është një sëmundje shumë e rrallë. Sa i takon simptomave, ato nuk të lënë hapësira dyshimi. Nëse dikush ka dyshim nëse ka apo nuk ka meningjit, përgjigja është se nuk ka sepse simptomat janë tejet dalluese. Që prej ngurtësimit të qafës, pra i sëmuri e ka të pamundur të lëvizë qafen, temperaturë, ftohje të duarve dhe këmbëve, konfuzion, nervozizëm, irritim ndaj dritës, përgjumje e thellë.”
Kush preket!
Zakonisht preken fëmijët. Sa më i vogël fëmija, aq më i madh rreziku. Por nuk bëjnë përjashtim as të rriturit.
Rastet në Shqipëri
Numrat janë të vegjël. Ne kemi pasur raste vit pas viti, por janë shumë sporadike dhe aspak për t’u shqetësuar. Rastet janë të rralla, edhe kur ndodhin janë të dukshme dhe shumica prej nesh është i ekspozuar çdo ditë ndaj këtyre baktereve në përditshmëri.
Si transmetohet meningjiti?
Meningjiti nuk transmetohet aq lehtë sa mendohet. Duhet një kontakt tejet i ngushtë dhe i gjatë me të sëmurin. Dezinfektimi nuk është i domosdoshëm, sepse bakteret qëndrojnë në trupin e njeriut dhe jo në ambiente të jashtme. Dezinfektimi më shumë na qetëson mendërisht, por nuk ka ndikim tjetër në izolimin e sëmundjes.
Sa i takon Durrësit ku tashmë është evidentuar një rast me meningjit, ajo është një vatër e izoluar.
Vaksinimi
Meningjiti nuk është në asnjë vend të Evropës pjesë e kalendarit të vaksinimit, sepse rastet janë shumë të pakta./dritare.net
