Studimet tregojnë se tradhtia në çift është bërë diçka e zakonshme: 1 në 3 çifte tradhton. Kjo është diçka e vërtetë, por s’do të thotë që duhet të trembeni nga martesa. Ja disa arsye se pse tradhtojnë meshkujt:
Lidhja emocionale: 
Pas martesës duket se lidhja bëhet më monotone, sepse fillojnë të përdoren shpesh frazat “unë kam të drejtë”, “Jo, unë kam të drejtë”, dhe ky fakt meshkujt i lodh dhe i shtyn që të mbyllen në vetvete. Kjo gjë çon në mungesën e afeksionit dhe lidhjes emocionale që kanë të dy partnerët. Mashkulli kërkon dikë tjetër që ta pranojë siç është dhe ndodh tradhtia.
Vlerësimi: Meshkujt e pëlqejnë faktin e të qenët i vlerësuar, madje kur ju thuhet është edhe më mirë. Nëse marrëdhënia në çift vazhdon me kritika dhe fajësime (siç ndodh zakonisht) ata priren të largohen nga partnerja e tyre dhe kërkojnë të gjejnë dikë tjetër që i vlerëson dhe i tregon sa “i mrekullueshëm” është.
Intimiteti: Meshkujt duan dikë që i dëgjon, që ndan emocionet pozitive për të ardhmen me të dhe që u buzëqesh. Në marrëdhënien ekzistuese, tendenca e të menduarit është “Ne jemi të martuar dhe di gjithçka për ty…” , ndërsa në marrëdhënien e re çdo gjë do të jetë e re dhe emocionuese, do të dojë të dijë gjithçka për partneren e re dhe këtu do lindë intimiteti midis tyre.
Të ndihen të dëshiruar: Çdo njeri do të donte të ndihej i dëshiruar, pavarësisht moshës, gjinisë apo profesionit. Burrat nuk bëjnë përjashtim nga ky “rregull”. Meshkujt janë më social dhe priren të krijojnë shoqëri të reja. Në rastet kur lidhja është e konsoliduar, kontributi i dhënë nga palët merret si i mirëqenë dhe se nuk ka më asgjë për të dhënë. Në një lidhje të re gjithçka ndryshon dhe merr rëndësi.
Marrëdhëniet seksuale: Marrëdhënia seksuale është një nga mënyrat që partnerët të ndihen më të lidhur me njëri-tjetrin. Burrat ndihen të vlerësuar dhe të dëshiruar kur kanë marrëdhënie seksuale me partneret e tyre. Në një lidhje të re, kjo marrëdhënie ka tendencën të jetë më e shpeshtë. Të paktën në fillim!
Përgatiti për “Shëndet+”: Daniela Bardhi
