Denigrimi i figurës së mjekut ka arritur deri në pikën sa po i dëbojnë edhe nga zyrat. Sot, mjekja nefrologe e Poliklinikës Qëndrore ka kryer vizita në korridor. Arsyetimi?! Dhoma është e drejtoreshës!
Një situatë e pakuptimtë ka ndodhur sot në Poliklinikën Qëndrore. Mjekja nefrologe ka ofruar shërbim në korridor. Sipas saj “në dhomë është drejtoresha dhe e ka nxjerrë jashtë”.
Mjekët në Poliklinika dhe Qendra Shëndetësore punojnë me dy turne. Kështu, dy mjekë ndajnë të njëjtën dhomë (sipas turneve). Drejtuesit, në ndryshim nga pjesa tjetër e stafit nuk e ndajnë dhomën me mjekët e turnit tjetër (dhomën ku ofrojnë shërbimin si mjek) si dhe shërbejnë gjithmonë turnin e parë.
Sigurisht, krijon hapësirat për ta patur një luks të tillë. Por, në këtë Poliklinikë sot ka patur një përplasje të çuditshme. Drejtoresha, ka nxjerrë jashtë dhome mjeken nefrologe me të cilën ka ndarë dhomën derisa ishte mjeke por pa i krijuar hapësira ku të punojë. Përfundimi?!Mjekja ka shërbyer në korridor.
Thuhet se në atë poliklinikë ka dhoma ekzistuese bosh, por që mbahen të mbyllura për arsye të pashpjegueshme/ të pakuptimta./ ProPacientit.com
