Përshtati në shqip për “Shendeti.com.al”: Blertina Koka
Një adoleshent ka gjetur vdekjen nga një puthje pasionante në qafë nga e dashura, e cila i shkaktoi mpiksje të gjakut dhe i dha menjëherë goditje në tru.
17-vjeçari Julio Macias Gonzalez, nga Meksika, filloi të ndiente shqetësime gjatë darkimit me familjen. Ata thirrën menjëherë ambulancën, por, fatkeqësisht, mjekët e ndihmës së shpejtë nuk arritën t’ia shpëtonin jetën djalit.
Besohet se thithjet në qafë nga e dashura i shkaktuan të riut mpiksje gjaku në tru. Familjarët e të riut akuzojnë të dashurën e tij 24-vjeçare për vdekjen e adoleshentit. Ndërkohë vajza është zhdukur që pas marrjes vesh të lajmit të hidhur.
Nuk është hera e parë që puthje të tilla shkaktojnë pasoja të rënda tek njerëzit. Në vitin 2011, një 44-vjeçare nga Zelanda e Re u paralizua në krahun e majtë nga thithja e gjakut.
“Kafshimet pasionante” shkaktohen kur një person thith një pjesë të caktuar në lëkurën e një personi tjetër, sidomos në qafë. Ky veprim shkakton dëmtim të enëve të gjakut, mpiksje të tij e deri në goditje në tru.
Burimi: The Sun / https://shendeti.com.al/
