Në mbrëmje, kur më zë gjumi, kam probleme me frymëmarrjen. Kur zgjohem nga gjumi, afërsisht 5 minuta nuk mund të marr frymë lirshëm. A mund të jetë ndonjë sëmundje e zemrës apo lloj ankthi? Është hera e katërt që më ndodh e njëjta gjë kur jam në gjumë. Ku mund të drejtohem?
Përgjigjet mjekja kardiologe, Manjola Liko
Mbajta e frymës, kur është me natyrë kardiake, jep shqetësim fillimisht në sforcime fizike, në lëvizje dhe vetëm në stade më të përparuara të sëmundjes, mund të japë shqetësime në qetësi. Më shumë mundësi ka që ky shqetësim të vijë prej gjendjeve të ankthit. Mund të drejtoheni tek psikologu.
