Përshëndetje! Kam bërë analizat dhe vlerat e sheqerit në gjak më kanë dalë nën normë (68 mg/dl). Ju lutem, a mund të pyesni një mjek të mirë sa shqetësuese mund të jetë një vlerë e tillë?
Përgjigjet Dashamir Gjergji, mjek endokrinolog në Poliklinikën e Specialiteteve Nr.3, Tiranë.
Hipoglicemia është një term mjekësor që përdoret për të përshkruar nivelet e ulëta të sheqerit në gjak. Kur vlerat e sheqerit janë më të larta se sa norma, p.sh. 126mg/dl, konsiderohet diabet i sheqerit dhe, kur vlerat janë më pak se 70 mg/dl, ndodh e kundërta e diabetit ose hipolicemia (rënia e sheqerit). E rëndësishme është që kjo të kapet në kohë dhe të mjekohet, sepse mund të jetë një hipoglicemi me shenja ku i sëmuri ndjen shqetësim si veshje sysh, rrahje të shpejta të zemrës, dridhje të trupit etj, por mund të jetë dhe hipoglicemi pa shenja. Kështu që, në varësi të situatës, i sëmuri duhet të orientohet normalisht tek mjeku specialist për të përcaktuar se nga vjen dhe çfarë masash duhen marrë për ta korrigjuar./ Shendeti.com.al
