Kryefaqja Lajm kryesor Pyet mjekun: Vuaj nga ndjesia e stomakut të fryrë. Çfarë më këshilloni?

Pyet mjekun: Vuaj nga ndjesia e stomakut të fryrë. Çfarë më këshilloni?

0
Shpërndaje

Përshëndetje! Vuaj prej dy vitesh nga ajri në stomak + gastrit. Kam vajtur për kontroll por mjeku më ka thënë e ke nga stresi. Mundohem të mos stresohem, por në ditët e sotme është e pashmangshme. Ju lutem, a mund të pyesni një mjek të mirë si mund të shpëtoj një herë e mirë nga ky problem (ajri në stomak). Theksoj se nuk kam dhimbje dhe as vuaj nga kapsllëku.

Përgjigjet Nevila Lengu, mjeke gastrohepatologe në Poliklinikën e Specialiteteve Nr.1, Tiranë.

Zonjë apo zotëri, nuk e di nëse diagnoza gastrit është thjesht diagnozë bazuar në klinikë apo e vërtetuar me endoskopi. Po ashtu nuk jam në dijeni të ekzaminimeve të kryera. Do t’ju rekomandoja një bilanc të plotë biokimik (eko abdominale dhe feçe parazit) për rekomandime më specifike. Deri atëherë, nëse ankesa juaj kryesore është ndjesia e fryrjes, do t’ju rekomandoja të përdornit espumisan 3 herë 2 tableta para ngrënies./ Shendeti.com.al

LËR NJË MESAZH

Please enter your comment!
Please enter your name here