Përshëndetje! Vuaj nga refluksi gastro-ezofageal, a mund të më këshilloni ndonjë dietë të përshtatshme?
Përgjigjet Klerida Shehu, mjeke gastro-hepatologe.
Këta pacientë duhet të konsumojnë sa më pak kafe, duke qenë se kafeina është një ndër faktorët predispozues të refluksit gastro-ezofageal, pa harruar dhe çokollatat që duhet t’i shmangin sa më shumë. Duhanin dhe alkoolin gjithashtu duhet t’i shmangin pasi japin dëmtim të mukozës, qoftë të ezofagut, qoftë të stomakut, ndaj u rekomandohet ta rrallojnë sa më shumë, ose ta ndërpresin fare.
Duhet të shmangin gjërat e yndyrshme, pikantet, salcerat dhe ushqimet me shumë erëza, të cilat nga ana e tyre vetëm do e agravonin më shumë situatën.
