Mirëmbrëma nga një nënë 37-vjeçare. Kam një problem me dhimbjet e tmerrshme të barkut, ngërçe të tmerrshme të cilat shoqërohen me mundime dhe marramendje, zakonisht në mëngjes ose vonë gjatë natës kur jam në gjumë. Kjo po më ndodh për një kohë të gjatë, disa muaj e sidomos kohët e fundit më është shpeshtuar. Nuk kam bërë analiza, as kam pasur konsulta me mjekun. Pres përgjigjen tuaj
Përgjigjja e pyetjes është dhënë nga mjekja gastroenterologe Albana Duni:
Përshëndetje!
Për nënën 37-vjeçare po ju përgjigjem se dhimbjet në fund të barkut mund të vijnë nga sfera gjinekologjike, nga ajo urinare dhe nga probleme të zorrëve.
Zonja duhet të bëjë në radhë të parë një Eko të abdomenit (zonës së barkut) dhe gjinekologjike. Nëse problemi gjendet këtu, e mjekojmë, nëse jo do të thotë që duhet të merremi me zorrët. Pra, në distancë nuk mund të ndihmohet. Ajo duhet të paraqitet tek mjeku dhe të kryejë ekzaminimet që thamë më lart.
