Herën tjetër që stomaku juaj do të kërkojë ushqim përpiquni të hani shëndetshëm dhe njëkohësisht ushqime që largojnë urinë. Nëse nevoja për të ngrënë çokollatë bëhet e domosdoshme, thjesht nuhateni pa tentuar ta përtypni. Ja disa alternativa që ju largojnë urinë:
Arrat: përmbajnë yndyrna të shëndetshme, plot me fibra dhe proteina. Reduktojnë ndjenjën e urisë.
Mashurka: nëse konsumoni mashurka do të përmirësoni tretjen dhe do të reduktoni oreksin. Ndikimi i fibrave në gjak është çelësi.
Avokado: Shkencëtarët e Universitetit të Nju Jorkut kanë dalë në përfundimin se konsumimi i avokados aktivizon një zonë të trurit që ka të bëjë me ndjenjën e plotësisë dhe ngopjes.
Molla: e pasur me antioksidantë, ndihmon në tretjen e ushqimit, zvogëlon sasinë e sheqerit dhe rregullon qarkullimin e gjakut.
Kos i trashë: ka 2 herë më shumë proteina krahasuar me kosin e thjeshtë. Nëse doni ta ëmbëlsoni pak, mund të shtoni disa fruta në të.
Lëng perimesh: lëngu i perimeve është i pasur me vitamina, antioksidantë dhe minerale të cilat jo vetëm rrisin sistemin imunitar por stabilizojnë nivelin e sheqerit duk reduktuar urinë.
Fruta të thata: ju ndihmojnë të ngopeni shpejt. Zgjidhni fruta organike natyrore për të shmangur sheqernat shtesë dhe ngjyrosjen artificiale./Cosmopolitan/Përgatiti: Elena Beta
