Denisa Canameti
Kthehet sërish në vëmendje çështja e qenve të rrugëve në ambientet e qendrës spitalore universitare “Nënë Tereza” në Tiranë. Para pak kohësh gazeta “Shëndet+” raportoi 
rastin e një zonje, e cila u kafshua nga qeni në oborrin e onkologjikut. Situata është përsëritur, por këtë herë viktima ka qenë një mjek. Rasti është raportuar nga kolegët në rrjetet sociale.
“Sot qentë rrugacë të spitalit (ata me katër këmbë), kafshuan në mes të ditës në oborrin e spitalit mjekun Gj.K. Duket që situata në spital nuk ka ndryshuar edhe se 4-rrotakët janë zëvendësuar me 4-këmbëshat. Natyrisht, nuk ndryshohet situata me postblloqe, por me dije dhe duke i vënë gjoksin punës”, shkruan njëri prej mjekëve.
