Pacientët që vuajnë nga sëmundje tumorale, dhe kanë nevojë për kimioterapi, do të mund ta bëjnë atë në spitalin e ri ditor, pa trokitur në shumë dyer, nga një mjedis në tjetrin, brenda Onkologjisë. Ky spital do të ofrojë shërbimin e njohur si “Day Hospital”, për të gjithë ata qytetarë të cilët kryejnë seancat e kimioterapisë.
Sipas Ministrisë së Shëndetësisë, ky projekt i ri, i financuar nga IADSA, Programi i Konvertimit të Borxhit Italo-Shqitar për Zhvillim, përmirëson shërbimin për rreth 50 pacientë, si dhe garanton përgatitjen e medikamenteve pranë kapave (aparaturave të specializuara), dhe jo më në mënyrë manuale siç kryej disa vite më parë.
Krahas shtimit të kapaciteteve pritëse, mjekët onkolog pohojnë se janë futur edhe teknika të reja të marrjes së kimioterapisë
Sipas ministrit të Shëndetësisë, Ilir Beqaj, ky investim është pjesë e projektit “Jo Kancer”, të financuar nga një konvertim i borxhit italian. Gjatë inaugurimit të spitalit të ri ditor ishte edhe ambasadori italian Alberto Cutillo, i cili premtoi se Italia do të vazhdojë të mbështesë Shqipërinë edhe në projekte të tjera në fushën e shëndetësisë./ https://shendeti.com.al/
