Në Qendrën Spitalore Universitare “Nënë Tereza” ka nisur, pas disa muajsh ndërprerje, kryerja e analizave specifike për sëmundjet tumorale. Burime zyrtare nga kjo qendër spitalore, më e madhja e nivelit terciar në vend, thanë sot për ATSH-në se analizat e PSA (për prostatën) dhe CA (për matjen e markuesve tumorale) kanë filluar të kryhen normalisht.
Analiza CA kryhet falas për pacientët e shtruar në spital qe vuajne nga tumoret, apo ata që ndiqen me kimioterapi. Nderkohe PSA kryhet falas për pacientët ambulatorë, të cilët duhet të zbatojnë sistemin e referimit. Për t’i përfituar falas këto analiza, pacientët duhet të paraqesin librezën e shëndetit dhe rekomandimin nga mjeku i familjes. “Në QSUT, po punohet çdo ditë e më shumë për të përmbushur misionin human të shërbimit ndaj qytetarëve”, theksuan të njëjtat burime./ATSH
QSUT, rinis kryerja e analizave për tumoret
Postime të ngjashme
