Mungesa e mjekëve specialistë në spitalin e Lezhës, ka sjellë radhë të gjata të qytetarëve, të cilët kanë nevojë për shërbim të specializuar. Një mjek neurolog vjen dy herë në javë nga Shkodra, ndërkohë që mungon dhe kardiologu apo reanimatori dhe
Drejtori i spitalit të Lezhës
nevojat e spitalit të Lezhës janë më të mëdha.
Urgjencat dhe të sëmurët kronikë në Lezhë që kanë nevojën e mjekut neorolog, duhet të llogarisin që këtë shërbim mund ta marrin vetëm dy herë në javë, pasi mjeku vjen nga Shkodra, pas daljes në pension të paraardhësit. Problem mbetet edhe mungesa e mjekut kardiolog, ndërkohë që urgjencat mbulohen nga mjekët internistë.
Drejtori i spitalit të Lezhës Nevruz Bare thotë se “në një formë apo tjetër është zgjidhur pjesërisht këshillimi ndaj qytetarëve për konsultat, ambulatorët. Megjithatë, kjo nuk do të thotë se ne nuk kemi nevojë për neurologë, kardiologë, anestezistë. Specialistë nuk ka shumë. Nuk mungon cilësia e shërbimit, por ka një vonesë, sepse janë të sëmurë ambulatorë që bëjnë konsultat dhe vizitat në shërbimet ambulatore në poliklinikë”.
Mungesa e specialistëve, prej muajsh krijon radhë të gjata të qytetarëve që kërkojnë shërbim shëndetësor.
