Është ora 7:40 e mëngjesit dhe në poliklinikën e Fierit me dhjetëra qytetarë (shumica të moshuar) mbajnë radhën për të bërë analizat e gjakut.
Qytetarët nga Fieri, Mallakastra, Lushnja, të gjithë kanë ardhur që në orët e para të mëngjesit të zënë radhën në poliklinikën e Fierit, duke qenë se në qytetet e tyre nuk ka laborator ku mund të bëjnë analizat. Të sëmurë me zemër, tension të lartë, diabet etj, të gjithë në këmbë derisa t’u vijë radha. Por, ndërkohë që numri i qytetarëve që presin në radhë është i lartë, numri i përcaktuar i analizave që mund të bëhen në një ditë është i kufizuar, prandaj jo të gjithë mund të mbarojnë punë.
Pasi presin për një kohë të gjatë në radhë, mësojnë se është mbushur numri i analizave dhe duhet të rikthehen sërish një ditë tjetër për të vazhduar të njëjtin avaz. Fotoja është bërë ditën e djeshme nga një lexuese e gazetës “Shëndet+”./ https://shendeti.com.al/
