Qeveria shumë shpejt mund të ndryshojë mënyrën e pagesës për mjekët. Sipas kryeministrit të vendit, Edi Rama, të gjithë mjekët do të paguhen sipas volumit të punës dhe jo më me pagë fikse.
“Ne duhet të kalojmë tek shpërblimi i mjekëve sipas volumit të punë dhe jo rroga fikse, ne duhet të fusim volumin e punës dhe të drejtën e mjekëve për të marrë sipas volumit të punës. Nuk mund të vazhdojmë me tavanet fikse”, tha kryeministri.
Një iniciativë tjetër që synon t’i vijë në ndihmë mjekëve, Kryeministri thotë se do të jetë dhe ajo e lejimit të shfrytëzimit të kapaciteteve të spitalit, pas orarit të shërbimit, kundrejt tarifave përkatëse.
Së bashku me Ministrin e Shëndetësisë, Kryeministri Rama ka marrë pjesë në inagurimin e qendrës së re të konsultave ambulatore, pranë Qendrës Spitalore Universitare “Nënë Tereza”./ https://shendeti.com.al/
