Recetë gatimi nga dietologia Blerina Bombaj
Për 6 racione
- 1 lugë të madhe vaj ulliri
- 3 qepë të njoma të prera hollë për së gjati
- 12 vezë shkurte
- 350gr patate të vogla
- Kripë, pipër
- 400gr brokoli
- 2 lugë të mëdha vaj ulliri
- 1 lugë të madhe lëng limoni
- 2 lugë të mëdha majdanoz të grirë hollë
Për salcën me acuge
- 55 gr acuge të konservuara në vaj
- 2 hudhra
- 55gr stika pishe ose bajame të bardha
- 100ml vaj ulliri
- lëngun e ½ limoni
Përgatitja
- Vini në zjarr një tigan dhe hidhni vaj ulliri. Shtoni qepët e njoma dhe i gatuani pak deri sa të zbuten por të mos humbin ngjyrën.
- Zieni fort vezët e shkurtës për 4minuta, më pas i kulloni.
- Për të përgatitur salcën e acugeve, hidhni acuget, hudhrat dhe stikat në një blender. Filloni t’i grini dhe i shtoni gradualisht vajin e ullirit. Sipas shijes i shtoni lëngun e limonit. Na duhet një përbërje kremoze. Nëse ju del shumë e trashë, mund ta holloni me pak ujë.
- Zieni patatet në ujë me pak kripë sa të zbuten.
- Hiqni kërcejtë nga brokoli dhe i zieni në avull.
- Kulloni patatet dhe i bashkoni me brokolin, vajin e ullirit, lëngun e limonit, majdanozin, qepët e gatuara, kripën dhe piperin.
- Hiqni lëvozhgat nga vezët, dhe i përzieni me përbërësit e tjerë.
- I shtoni përsipër pak krem me acuge dhe pjesën tjetër te tij e ofroni në një kavanoz në mënyre që gjithkush të marrë aq sa dëshiron.
- E shërbeni të ngrohtë.
