Përbërësit për kremin:
- 1 kokërr qepe
- 2 thelpinj hudhër
- Pak borzilok
- Vaj ulliri
- Kripë, piper
Për mbushjen e patëllxhanëve
- 4 patëllxhan të prerë në feta për së gjati
- 2 thelpinj hudhër
- 50gr gjizë
- 50gr djathë të bardhë të thërrmuar
- Pak rigon, majdanoz, nenexhik, kopër
- 1 kokërr veze
- 50gr djathë parmixhano ose grana
Përgatitja
- Në një tenxhere të vogël kavërdisim qepët me hudhrat në pak vaj ulliri. Më pas shtojmë domatet e grira me thikë dhe borzilokun. I lëmë të gatuhen deri sa domatet të treten.
- Ndërkohë, përgatisim mbushjen:
- Grijmë imët thelpinjtë e hudhrës, majdanozin, nenexhikun, koprën dhe i bashkojmë në një tas me gjizën, djathin, rigonin dhe vezën.
- Fetat e patëllxhanit i marinojmë me vaj, kripe, piper dhe i pjekim në furre sa të zbuten, vetëm pak minuta. Pasi të jetë gatuar domatja, e grimë në mikser, dhe me ndihmën e një site heqim lëkurat dhe farat.
- Mbushim fetat e patëllxhanëve të pjekur me përbërjen që përgatitëm, duke i mbështjellë në forme roleje.
- Në një tavë balte që duron nxehtësinë, shtojmë kremin e domates dhe roletë e patëllxhanit, pak vaj ulliri dhe djathin parmixhano të grirë me rende. E vendosim tavën në furrë të nxehur në 200gradë, dhe e pjekim rreth 10minuta, sa të shkrijë djathi parmixhano ose grana.
- E shërbeni me pak borzilok të freskët, të grirë përsipër./ Shendeti.com.al
