Fushata ndërgjegjësuese në kuadër të sensibilizimit dhe luftës kundër kanceri të gjirit dhe kancerit të qafës së mitrës ka ndikuar gjerësisht në sensibilizimin e popullatës përsa i takon rëndësisë dhe rrezikut që paraqesin sëmundje të tilla. Sipas mjekes onkologe Nevila Rexhaj pranë Poliklinikës së Specialiteteve numër 3 në Tiranë, përgjatë muajve tetor- nëntor ka pasur një fluks të madh pacientesh të cilat kanë ardhur për të kryer vizita, si: mamografi apo Pap- Test.
“Ka pasur një ndërgjegjësim të ndjeshëm në lidhje me sëmundjet tumorale. Kemi pasur plot raste që janë paraqitur pranë nesh për t’u kontrolluar, pa pasur simptoma apo shqetësime. Në këtë pjesë vlen të përgëzohen të gjitha nismat e ndërmarra, si dhe media e shkruar, vizive apo elektronike në dhënien e informacioneve dhe sensibilizimin e popullatës. Megjithatë ka vende për përmirësim, duhet vazhduar të lëbohet në këtë drejtim jo vetëm në muaj të tillë siç është tetori, por përgjatë gjithë vitit”.
Gazeta “Shëndet Plus” dhe faqja online shendeti.com.al vazhdojnë të japin ndihmën e tyre në lidhje me ndërgjegjësimin e popullsisë për sëmundje të ndryshme./A.Thartori
