Rozmarina është një gëmushë, e cila rritet në zonën e Mesdheut dhe është simbol i kujtimit.
Është ideale për dobësinë, depresionin, stimulon qarkullimin e gjakut dhe tretjen, por ama është e mirë edhe për gjendjet e shoqëruara me temperaturë të lartë dhe reumatizëm. Qetëson edhe dhimbjen e kokës.
Vaji esencial është stimulues për gjendjet me artrit, është tonik për flokët, nxit rritjen dhe rigjeneron ngjyrën. Ekstrakte të rozmarinës gjenden në shumë shampo kundra rënies së flokut.
Përdorimi:
Çaji i rozmarinës: merret i ngrohtë për gripin, ftohjen, dhimbjet reumatizmale dhe çrregullimet e tretjes. Është shumë stimulues dhe mund të merret për lodhjen dhe dhimbjet e kokës. Mund të përdoret dhe për të shpëlarë flokët dhe për të kuruar rënien e flokëve.
Tinktura (lëngu i bimës): merret si tonik simulant, mund të kombinohet me tërshërën për depresionin.
Kompresë: njomeni një copë në çajin e ngrohtë dhe vendoseni mbi nyjet e këmbëve të enjtura.
Vaji esencial: përdoret për t’u hedhur në ujin ku do të bëni banjë për të qetësuar dhimbjen e gjymtyrëve ose për të vepruar si simulant i sistemit nervor.
Tretni 25 ml vaj bajameje ose vaj luledielli, 2 ml vaj rozmarinë dhe lyeni me të gjymtyrët dhe nyjet ku keni dhimbje. Mund të masazhoni kokën për të stimuluar rritjen e flokëve dhe për të pushuar dhimbjen e kokës./Hysni Dankshi, mjek alternativ
