Rolina Naço, dietologe
Marrim një degë rozmarine dhe e presim imët. Më pas i shtojmë vaj bajame ose kokosi (pasi përthithet më shumë nga lëkura jonë) dhe e lëmë në errësirë për 30-40 ditë dhe vaji është gati për të fërkuar pjesët e trupit 
që kemi dhimbje! Për të përfituar nga vetitë terapeutike të rozmarinës përditë, atëherë mund ta shtojmë një degë te vaji i ullirit që përdorim për gatim.
Rozmarina bëhet një xhel i shkëlqyer për muskujt, pasi stimulon qarkullimin e gjakut dhe na lehtëson nga dhimbjet muskulare, nga ftohjet, traumat nga aktiviteti fizik dhe dhimbjet reumatizmale.
Nëse e përdorim në gatim, ne përfitojmë duke lehtësuar tretjen, kontraksionet e zorrës së trashë, fryrjen, ndihmon mëlçinë të detoksifikohet dhe krijimin e lëngjeve biliare dhe lirimin e rrugëve të cilat luajnë një rol tepër të rëndësishëm për tretjen e yndyrnave.
Ndaj dhe do të rekomandoja të përdoret me konsumimin e ushqimeve me yndyrë shtazore. Nëse e doni me koncentrat, atëherë në treg ka edhe vaj rozmarine.
