Një studim lidh përdorimin afatgjatë të disa ilaçeve me rrezikun e lartë për zhvillimin e demencës. Në Angli, 1.5 deri në 2 milionë njerëz janë të predispozuar të marrin mjekime antikolinergjike për depresionin, sëmundjen e Parkinsonit apo problemet me fshikëzën.
Shkencëtarët nga Universiteti i Anglisë Lindore kanë zbuluar më shumë raste të demencës tek pacientët që merrnin doza të larta të llojeve të caktuara të antokolinergjikëve.
Sa i përket ilaçeve të tjera antikolinergjike, që përdoren për të trajtuar gjendje të zakonshme si ethe, të pëziera gjatë udhëtimit dhe dhimbje të stomakut, shkencëtarët thonë se nuk përbëjnë rrezik.
Studimi, i nismuar nga Shoqata e Alcajmerit dhe i publikuar tek Revista Mjekësore Britanike, monitoroi të dhënat mjekësore të më shumë se 40 mijë pacientëve të moshës 65-99 vjeç, që ishin diagnostikuar me demencë në periudhën prill 206-korrik 2015, dhe i krahasuar me të dhënat e rreth 300 mijë personave pa demencë.
U analizuan gjithashtu më shumë se 27 milionë receta – prandaj mund të konsiderohet si studimi më i madh i këtij lloji që ka si fokus ndikimin e ilaçeve antikolinergjike në zhvillimin e demencës.
Burimi: BBC
