Instituti Kombëtar i Shëndetit Publik në Kosovë mbrëmë ka konfirmuar 20 raste pozitive nga 129 mostra të testuar për COVID-19, duke çuar në 165 numrin e përgjithshëm të të infektuarve. Ndërkohë, një pacient është shëruar plotësisht, duke e ngritur numrin e përgjithshëm të të shëruarvenë 24. Mëngjesin e së hënës, si pasojë e virusit, kanë humbur jetën dy pacientë.
Nga data 08.02.2020 deri dje, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 2.093 mostra të dyshimta në virusin SARS-CoV-2 dhe prej tyre, pozitive rezultojnë gjithsej 165 raste me 3 raste të vdekjes të cilët kanë pasur sëmundje të tjera shoqëruese, raporton Kosova Press.
Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke iu obliguar për vetëizolim dhe të kërkojnë ndihmë mjekësore nëse kanë simptome. Deri më sot janë kontaktuar dhe janë nën mbikëqyrje 3.304 kontakte të rasteve.
