Varfëria është bërë shkak i rritjes së numrit të sëmurëve mendorë në qarkun e Shkodrës. Sipas mjekut psikiatër pranë Qendrës Komunitare të Shëndetit Mendor, Gjon Preçi, vetëm gjatë këtyre dy muajve të fundit kanë kërkuar shërbim të specializuar më shumë se 2.500 pacientë, pjesa më e madhe e të cilëve i përkasin grupmoshës së mesme.
“Vetëm këta 2 muajt e fundit, sipas statistikave numri i të sëmurëve me probleme mendore është mbi 2.500, pa llogaritur këtu ndihmën që u ofrojmë personave që kanë probleme të tilla nëpër banesa dhe në komunitet është një situatë që i kapërcen kufijtë e normales, pasi nuk ka ndodhur gjatë viteve të tjera që kaq shumë persona të paraqiten dhe të marrin shërbim brenda një periudhe 2-mujore. Zakonisht numrin më të madh të vizitave e kanë grupmoshat nga 20 vjeç deri në 55 vjeç. Kjo është frekuenca më e madhe e vizitave. Këto mosha kanë probabilitetin për të shfaqur çrregullime mendore më të shumta. Kjo për faktin se impakti që kanë jo vetëm në jetën e tyre, por edhe në familje është shumë më i madh”, – tha mjeku Gjon Preçi./ https://shendeti.com.al/
