Nëse je i shqetësuar për stilin tënd të jetës dhe se ç’po i bën ajo shëndetit tënd, ndoshta një pajisje e re mund të të ndihmojë. Një shpikës suedez ka krijuar 
një orë të frikshme, e cila llogarit kohën që i ka mbetur një njeriu për të jetuar dhe pastaj ecën me numërim mbrapsht. E cilësuar edhe si “Ora e Vdekjes”, Tikker u krijua nga Fredrik Colting.
Në fakt, edhe pse ne mund ta quajmë të frikshme, krijuesi i saj e quan “Ora e Lumtur”, pasi pretendon se ajo i ndihmon njerëzit që ta shijojnë kohën që u ka mbetur për të jetur.
Tikker aktivizohet pasi personi ka përmbushur një pyetësor mbi historinë e tij mjekësore, përfshirë alergjitë dhe sëmundjet. Gjithashtu njerëzit pyeten mbi çfarë pinë dhe duhanin, nëse në familjen e tyre kanë pasur të sëmurë me kancer, diabet apo sëmundje të tjera. Personi duhet të deklarojë dhe sa ushtrohet, si dhe sa peshon përpara se të marrë kohën që i ka mbetur për të jetuar. Pasi vendoset data që parashikohet se ai do të vdesë, Tikker (e cila funksionon dhe si orë normale) fillon të numërojë mbrapsht./ A.Gjypi
