Studimet kanë treguar se salcat pikante përmbajnë një përbërës që mund të reduktojë riskun e zhvillimit të kancerit të zorrëve. Kërkuesit e bënë studimin tek minjtë gjenetikisht të prirur për zhvillimin e tumoreve në traktin gastrointestinal. Rezultoi se përbërësi kapsaicin i salcave pikante (erëzave) ngacmonte një receptor dhimbjeje në qelizat që veshin muret e zorrëve, duke sjellë një reagim që ulte rrezikun e rritjes së tumoreve në zorrë.
Shkencëtarët kuptuan se trajtimi zgjati jetëgjatësinë e minjve me më shumë se 30%. Dhe kjo ishte më efektive kur kombinohej me celecobxib, një lloj ilaçi antiinflamtor që është miratuar për të trajtuar disa forma të artritit. Kanceri i zorrëve është lloji i tretë i kancerit më të zakonshëm në Britaninë e Madhe. Çdo vit diagnostifikohen 41.000 raste të reja.
Studimi i publikuar në “Gazetën e Investigimit Klinik” ka rekomanduar që pacientëve të riskuar nga kanceri i zorrës së trashë t’u jepet në dietën e tyre edhe capsaicin (përbërës i erëzave) për të ndaluar rritjen e tumorit. Capsaicin po përdoret si analgjezik ku vepron për të reduktuar dhimbjet për një periudhë të gjatë kohe.
