Nga kuzhinieri i “Te Stela Resort”
Përbërësit:
- Fasule pllaqi, të ziera
- Fileto pule e skuqur, e prerë në kubikë
- Pancetë e tymosur e skuqur, e prerë në kubikë
- Qepë të kuqe të prerë gjysëm rrethi
- Lëng limoni
- Feta limoni të prera në gjysëm rrethi
- Majdanoz, kripë, piper
Përgatitja:
Hedhim fasulet pllaqi në një enë dhe bashkojmë pancetën, fileton e pulës dhe qepën. Shtojmë lëngun e limonit, kripën, pak piper të zi, vaj ulliri dhe e përziejmë që të marinohet. Kjo sallatë ju merr shumë pak kohë dhe përmban shumë pak kalori. Në pjatat që do serviret ushqimi shtrojmë nga një fletë sallatë jeshile, mirë është të përdorim nje pjatë të thellë. I vendosim disa feta limoni përsipër dhe i shtojmë pak majdanoz sipas dëshirës. Ju bëftë mirë!
