Shenjat e para të sëmundjes së alcajmerit mund të zbulohen nga ndryshimi i aromës së urinës së një personi. Studimet e fundit kanë treguar se në fazën e parë të zhvillimit kjo sëmundje shkakton një aromë të veçantë të urinës. Një shenjë e tillë mund të ndihmojë mjekët të zbulojnë menjëherë sëmundjen tek pacientët dhe të marrin masa për trajtimin e saj para se të fillojnë çrregullimet mendore.
Ky zbulim i ri do t’u hapë rrugë trajtimeve në të ardhmen për të parandaluar përhapjen e sëmundjes.
“Tani kemi prova se aroma e urinës mund të ndryshojë nëse ndodhin ndryshime në tru që lidhen me sëmundjen e alcajmerit” tha një nga autorët e studimit, Bruce Kimball, nga Departamenti Amerikan i Agrikulturës.
“Ky zbulim mund të shërbejë gjithashtu për zbulimin e sëmundjeve të tjera neurologjike”.
Shqipëroi për “Shëndet+”: Blertina Koka/ Burimi: Huffington Post
