Sipas një grupi kërkuesish në Australi, frutat dhe zarzavatet luftojnë sëmundjet kronike. Ndonëse për vite me radhë është vënë në dukje dhe nga mjekët për vlerat që kanë frutat, ato tashmë mund të konsumohen pa pasur problemin e sasisë së sheqerit.
Tashmë bëhet me dije se njerëzit që konsumojnë fruta dhe zarzavate, janë më pak të ekspozuar ndaj sëmundjeve kronike. Këtu bëhet fjalë për diabetin, astmën, hipertensionin, kolesterolin, artritet, hepatitet, frakturat, tumoret dhe ato të sistemit kardiovaskular.
Këtë studim e kanë realizuar një grup shkencëtarësh nga universiteti ”Adelaide”, në Australi. Kërkuesit, në këtë listë ushqimesh fusin gjithashtu edhe drithërat, si lloj ushqimi me vlera te mira për shëndetin e njeriut.
Njerëzit që konsumojnë më shume fruta, janë shumë më pak të predispozuar për t’u prekur nga sëmundjet kronike. Ndërsa ata që në racionin e tyre ushqimor preferojnë më shumë zarzavatet, por që vuajnë nga një sëmundje kronike, kanë më pak mundësi për të zhvilluar një sëmundje të dytë. Kjo nuk do të thotë për të ngrënë sasi të mëdha me fruta, ndërsa do të mjaftonte vetëm 60 gramë në ditë.
