Shafrani frenon një sëmundje të rëndë degjenerative të shikimit.
Sipas një studimi të spitalit universitar Gemelli, i publikuar në revistën “Nutrients”, sindroma e Stargardt mund të kurohet me pilula që kanë përmbajtje shafrani, duke qenë kështu një trajtim mjaft i thjeshtë dhe pa efekte anësore.
Kjo sindromë është një sëmundje degjenerative e trashëguar që prek dhe dëmton qendrën e retinës dhe simptoma që shfaqet është: reduktim i shikimit qendror, që na lejon të njohim fytyrat, të lexojmë, të ngasim makinën etj. Shkak kryesor është mutacioni që pëson geni ABCa4, keqfunksionimi i të cilit jep pasoja të rënda.
Kërkuesit kanë përfshirë në një studim klinik 31 pacientë, të cilët i kanë trajtuar me 20 mlg shafran në ditë. Pas këtij trajtimi ka rezultuar se sëmundja ka mbetur në gjendje stabël duke mos u përkeqësuar.
Kjo gjë ishte vërejtur më parë edhe tek kafshët, por funksionimi i mirë edhe tek njeriu është një hap mjaft i rëndësishëm për terapitë për këtë sëmundje. Pra, në natyre gjendet gjithçka, helmi dhe antidoti i tij dhe në këtë rast një erëz ndikon shumë më tepër se të gjitha trajtimet e krijuara deri më sot.
Burimi: Tv Klan
